Tras tres meses de folga indefinida dos funcionarios da Administración de Xustiza galega, o pasado oito de maio suspendeuse o paro indefinido. A folga paralizou – en palabras do presidente do Tribunal Superior de Xustiza de Galicia – uns 17.000 xuízos e actos xurisdicionais. Os Xulgados da provincia da Coruña foron os máis afectados, segundo a súa opinión.
Transcorreron case dúas semanas desde que se alzou o paro indefinido e vaise recuperando progresivamente o ritmo de traballo nos Xulgados e Tribunais de Galicia. A situación vivida durante estes tres meses de inactividade da Administración de Xustiza supuxo un dano enorme para a cidadanía galega e para todos os profesionais que traballamos no sector legal.
Esperamos non volver sufrir unha situación similar, nin volver ser reféns dos conflitos laborais entre a Administración de Xustiza e os seus traballadores.
